Qazaqstan Respýblıkasy Bilim jáne ǵylym mınıstrliginiń buıryǵy  №340

2014 jylǵy 8 tamyz, Astana qalasy «Jaratylystaný-matematıka sıkly pánderi boıynsha Prezıdenttik olımpıadany, jalpy bilim beretin pánder boıynsha respýblıkalyq olımpıadalar men ǵylymı jobalar konkýrstaryn, oryndaýshylardyń respýblıkalyq konkýrstary men kásibı sheberlik konkýrstaryn uıymdastyrý jáne ótkizý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 13 naýryzdaǵy № 99 buıryǵyna ózgerister engizý týraly buıyramyn: «Jaratylystaný-matematıka sıkly pánderi boıynsha Prezıdenttik olımpıadany, jalpy bilim beretin pánder boıynsha respýblıkalyq olımpıadalar men ǵylymı jobalar konkýrstaryn, oryndaýshylardyń respýblıkalyq konkýrstary men kásibı sheberlik konkýrstaryn uıymdastyrý jáne ótkizý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2012 jylǵy 13 naýryzdaǵy № 99 buıryǵyna (Normatıvtik quqyqtyq aktilerdi memlekettik tirkeý tiziliminde 2012 jylǵy 11 sáýirde №7547 tirkelgen, «Kazahstanskaıa pravda» gazetiniń 2012 jylǵy 12 qyrkúıektegi № 306 - 307 (27125 - 27126)) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Jaratylystaný-matematıka sıkly pánderi boıynsha Prezıdenttik olımpıadany uıymdastyrý jáne ótkizý qaǵıdalary osy buıryqqa 1-qosymshaǵa sáıkes jańa redaksııada jazylsyn; kórsetilgen buıryqpen bekitilgen Jalpy bilim beretin pánder boıynsha respýblıkalyq ǵylymı jobalar konkýrstaryn uıymdastyrý jáne ótkizý qaǵıdalary osy buıryqqa 2-qosymshaǵa sáıkes jańa redaksııada jazylsyn. 2. Mektepke deıingi jáne orta bilim, aqparattyq tehnologııalar departamenti (J.A.Jontaeva): 1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) memlekettik tirkeýden ótkennen keıin osy buıryqtyń buqaralyq aqparat quraldarynda resmı jarııalanýyn; 3) osy buıryqtyń bilim berý uıymdarynyń nazaryna jetkizilýin qamtamasyz etsin. 2. Osy buıryqtyń oryndalýyn baqylaý bilim jáne ǵylym vıse-mınıstri E.N.Imanǵalıevke júktelsin. 3. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr A.SÁRINJIPOV. Qazaqstan Respýblıkasy Bilim jáne ǵylym mınıstriniń 2014 jylǵy 8 tamyzdaǵy №340 buıryǵyna 1-qosymsha Qazaqstan Respýblıkasy Bilim jáne ǵylym mınıstriniń 2012 jylǵy 13 naýryzdaǵy № 99 buıryǵyna 1-qosymsha Jaratylystaný – matematıka sıkly pánderi boıynsha Prezıdenttik olımpıadany uıymdastyrý jáne ótkizý qaǵıdalary 1. Jalpy erejeler 1. Osy Jaratylystaný-matematıka sıkly pánderi boıynsha Prezıdenttik olımpıadany (budan ári – Prezıdenttik olımpıada) ótkizý qaǵıdalaryn anyqtaıdy, Prezıdenttik olımpıadaǵa qatysý jáne jeńimpazdardy ótkizý tártibin belgileıdi. 2. Prezıdenttik olımpıada Qazaqstan Respýblıkasy Bilim jáne ǵylym mınıstrligi (budan ári - Mınıstrlik) ótkizetin jyl saıynǵy is – shara bolyp tabylady. 3. Prezıdenttik olımpıadanyń maqsattary men mindetteri: 1) orta bilim berý uıymdarynyń oqýshylary arasynda matematıka, fızıka, hımııa jáne bıologııadan daryndy oqýshylardy anyqtaý úshin kásiptik baǵdar men bolashaqtaǵy ıntellektýaldyq damýyna qolaıly jaǵdaı jasaý; 2) jaratylystaný-matematıkalyq baǵyttaǵy pánderdi oqytýda oqýshylardyń qyzyǵýshylyǵyn arttyrý, teorııalyq bilimderi men daǵdylaryn tereńdetý; 3) tulǵanyń ózin-ózi jetildirýine jáne damytýyna jaǵdaı jasaý. 2. Prezıdenttik olımpıadany uıymdastyrý jáne ótkizý tártibi 4. Prezıdenttik olımpıada jyl saıyn úsh kezeńde ótkiziledi: 1) birinshi kezeń – óńirlik - 1 qarashaǵa deıin; 2) ekinshi kezeń – irikteý kezeńi 2 týrda ótkiziledi: 1 týr – qashyqtyq –jyl saıyn 15 qarashaǵa deıin; 2 týr – shyǵarmashylyq, qashyqtyq týr ótkizilgen kúni esse jazý (1 betten kem emes, 45 mınýt); 3) úshinshi (qorytyndy) kezeń – respýblıkalyq, (jeltoqsannyń birinshi onkúndigi). Prezıdenttik olımpıadanyń ár qatysýshysy barlyq kezeńde tapsyrmalardy tórt pánnen oryndaıdy: matematıka, fızıka, hımııa jáne bıologııa. 5. Prezıdenttik olımpıadanyń barlyq kezeńderin tapsyrmalarmen qamtamasyz etýdi daryndy balalarmen jumys júrgizý salasyndaǵy uıym - «Daryn» respýblıkalyq ǵylymı-praktıkalyq ortalyǵy júzege asyrady (budan ári - «Daryn» RǴPO). 6. Prezıdenttik olımpıadanyń óńirlik kezeńin oblystyq, Astana jáne Almaty qalalarynyń bilim basqarmalary, respýblıkalyq bilim berý uıymdary (budan ári - RBU) jáne «Nazarbaev Zııatkerlik mektepteri» derbes bilim berý uıymdary (budan ári - «NZM» DBBU) ótkizedi. 7. Prezıdenttik olımpıadanyń irikteý kezeńi Interaktıvti stýdııa jelisi arqyly respýblıkanyń barlyq óńirlerinde bir ýaqytta ótkiziledi. 8. Prezıdenttik olımpıadanyń irikteý jáne respýblıkalyq kezeńi Qazaqstan Respýblıkasynyń Bilim jáne ǵylym mınıstriniń buıryǵyna sáıkes (budan ári – Mınıstrdiń buıryǵy) «Daryn» respýblıkalyq ǵylymı-praktıkalyq ortalyǵymen ótkiziledi 3. Prezıdenttik olımpıadaǵa qatysýshylar 8. Prezıdenttik olımpıadaǵa buryn-sońdy respýblıkalyq jáne halyqaralyq pán olımpıadalaryna qatyspaǵan respýblıkanyń bilim berý uıymdarynyń 11 synyp oqýshylary qatysady. 9. Irikteý kezeńine ár oblys, Astana jáne Almaty qalalary, «NZM» DBBU Prezıdenttik olımpıadanyń óńirlik kezeńiniń qorytyndysyna sáıkes quramy 20 adamnan turatyn komandalar usynady (ár pánge 5 qatysýshydan), RBU - ár pán boıynsha 2 qatysýshydan aspaıdy. 10. Respýblıkalyq uıymdastyrý komıtetiniń (budan ári - uıymdastyrý komıteti) irikteý kezeńiniń 2 týr nátıjeleri boıynsha Prezıdenttik olımpıadanyń úshinshi (qorytyndy) kezeńine qatysýshylardyń tizimin bekitedi. 4. Prezıdenttik olımpıadanyń qazylar alqasy jáne uıymdastyrý komıteti. 12. Uıymdastyrý komıtetiniń quramy Mınıstrdiń buıryǵymen bekitiledi. Uıymdastyrý komıtetiniń quramyna Mınıstrliktiń, Mınıstrlikke vedomstvolyq baǵynysty uıymdardyń, bilim berýdi basqarý organdarynyń, Qazaqstan Respýblıkasy joǵary oqý oryndarynyń rektorlar keńesi ókilderi kiredi. 13. Uıymdastyrý komıtetiniń qyzmeti: 1) Prezıdenttik olımpıadany daıyndaý men ótkizýdegi tikeleı basshylyq - uıymdastyrý-ádistemelik jumystaryn qamtamasyz etý; 2) Prezıdenttik olımpıadanyń qazylar alqasyn jáne akademııalyq tobynyń quramyn bekitý; 3) Qazaqstan Respýblıkasy Bilim jáne ǵylym mınıstrine Prezıdenttik olımpıadanyń qorytyndylary boıynsha aqparat berý. 14. Prezıdenttik olımpıadanyń qazylar alqasy tóraǵadan, múshelerinen jáne hatshydan turady. Qazylar alqasynyń quramyna aldyńǵy qatardaǵy otandyq jáne sheteldik joǵary oqý oryndarynyń ǵalymdary, burynǵy halyqaralyq olımpıadalardyń jeńimpazdary enedi. 15. Prezıdenttik olımpıadanyń qazylar alqasy: 1) Prezıdenttik olımpıadaǵa qatysýshylardyń jazbasha jumystaryn tekseredi, olardyń nátıjelerin baǵalaıdy; 2) uıymdastyrý komıtetine júldegerler men jeńimpazdardy marapattaý jóninde usynystar jasaıdy; 3) Prezıdenttik olımpıada qatysýshylarynyń oryndaǵan jumystaryna taldaý júrgizedi. 5. Jeńimpazdar men júldegerlerdi marapattaý 16. Prezıdenttik olımpıadanyń respýblıkalyq kezeńniń barlyq qatysýshylaryna osy buıryqqa qosa berilip otyrǵan formasy boıynsha sertıfıkattar tapsyrylady. 17. Prezıdenttik olımpıadanyń jeńimpazdary men júldegerleri ár pán boıynsha Mınıstirliktiń dıplomdarmen marapattalady. Jeńimpazdar sany qatysýshylar sanynyń 25%-yn quraıdy. Olımpıadanyń qorytyndy kezeńinde I, II jáne III dárejeli dıplomdar sany myna úılesimdilikpen anyqtalady: III dárejeli dıplomdarmen jeńimpazdardyń 50 %-y, II dárejeli dıplomdarmen 30 %-y, I dárejeli dıplomdarmen 20 %-y marapattalady. Jeńimpazdar men júldegerlerge dıplomdar bir pánnen jazylady (olardyń belgili bir pánnen neǵurlym kóbirek jınaǵan balynyń sanyna sáıkes). Jaratylystaný – matematıka sıkly pánderi boıynsha Prezıdenttik olımpıadany uıymdastyrý jáne ótkizý qaǵıdasyna qosymsha Forma Qazaqstan Respýblıkasy Bilim jáne ǵylym mınıstrligi «Daryn» respýblıkalyq ǵylymı-praktıkalyq ortalyǵy Sertıfıkat Jaratylystaný-matematıkalyq baǵyttaǵy pánderden (matematıka, fızıka, hımııa jáne bıologııa) Prezıdenttik olımpıadaǵa qatysýshy _______________________________________ _______________________________________ berildi Dırektor (qoly) aty-jóni M.O. Qazaqstan Respýblıkasy Bilim jáne ǵylym mınıstriniń 2014 jylǵy 8 tamyzdaǵy № 340 buıryǵyna 2-qosymsha Qazaqstan Respýblıkasy Bilim jáne ǵylym mınıstriniń 2012 jylǵy 13 naýryzdaǵy № 99 buıryǵyna 3-qosymsha Jalpy bilim beretin pánder boıynsha respýblıkalyq ǵylymı jobalar konkýrstaryn uıymdastyrý jáne ótkizý QAǴIDALARY 1. Jalpy erejeler 1. Osy Jalpy bilim beretin pánder boıynsha respýblıkalyq ǵylymı jobalar konkýrstaryn uıymdastyrý jáne ótkizý qaǵıdalary (budan ári – Ǵylymı konkýrstar) Ǵylymı konkýrstardyń uıymdastyrý jáne ótkizý tártibin anyqtaıdy. 2. Ǵylym men tehnıka boıynsha Halyqaralyq jarystardyń Ǵylymı konkýrstaryn (Intel International Science and Engineering Fair (budan ári – Intel ISEF)) jyl saıyn Qazaqstan Respýblıkasy Bilim jáne ǵylym mınıstrligi (budan ári – Mınıstrlik) ótkizedi. 3. Ǵylymı konkýrstardyń maqsattary men mindetteri: 1) oqýshylardyń ǵylymı-zertteý jáne oqý-tanymdyq qyzmetin yntalandyrý; 2) eń talantty jáne daryndy jas zertteýshilerdi irikteý jáne olarǵa qoldaý kórsetý; 3) Qazaqstan Respýblıkasynyń zııatkerlik áleýetin qalyptastyrýǵa yqpal etý. 4. Ǵylymı konkýrstardyń irikteý kezeńi halyqaralyq qaǵıdalardyń (Intel ISEF) talaptaryna sáıkes – Ǵylymı Resenzııalaý Komıteti (budan ári - ǴRK) ótkizedi. ǴRK – Ǵylymı konkýrstardyń ár kezeńindegi zańdary, qaýlylary jáne erejeleri bar ǵylymı jumystardyń, sertıfıkattardyń, ǵylymı zertteý josparlarynyń, eksponattarynyń baǵalanýyna jaýapty bilikti mamandar toby bolyp tabylady. Ǵylymı konkýrstardyń barlyq deńgeılerinde ǵylymı jalǵandyq jáne burmalaýǵa, basqa konkýrstarǵa buryn-sońdy usynylǵan jumysty óz jumysy retinde paıdalaný nemese usyný, jalǵan málimetter berýge jol berilmeıdi. 5. ǴRK usynylǵan jumystardy qaraıdy, baǵalaý krıterıılary boıynsha qosyndylap, Ǵylymı konkýrstardy uıymdastyrý jáne ótkizý jónindegi respýblıkalyq uıymdastyrý komıtetimen bekitilgen ár jobany resenzııalaıdy jáne qoǵamdyq-gýmanıtarlyq baǵyt boıynsha oblystyq kezeńge, jaratylystaný - matematıkalyq baǵyt boıynsha respýblıkalyq kezeńge qatysýshylardy anyqtaıdy. 6. Ǵylymı konkýrstardyń qorytyndy kezeńiniń qazylar alqasy Qazaqstan Respýblıkasy Bilim jáne ǵylym vıse-mınıstrimen bekitiledi. 7. Ǵylymı konkýrstarǵa: 1) atalǵan ǵylym salasyndaǵy faktiler, oqıǵalar, qubylystar jáne buryn tanylmaǵan, erekshe jaqtary kórsetilgen; 2) mektep tájirıbelerin jetildirýge, óndiristik prosessterdiń tıimdiligin arttyrýǵa yqpal etetin, praktıkalyq mindetterdi sheshýge jańalyqtar ákeletin apparattardyń, modelderdiń, quraldardyń konstrýksııalary usynylǵan; 3) áleýmettik-ekonomıkalyq máselelerdi sheshýge baǵyttalǵan ekonomıkalyq-zańdyqqa negizdelgen kompıýterlik modelder jáne jobalar usynylady. 8. Ǵylymı konkýrstarǵa: 1) jarysqa kámeletke tolmaǵandar úshin ruqsat etilmeıtin aspaptarmen jumystar, janýarlarǵa qatigezdik kórsetiletin eksperımentter, adam densaýlyǵy men janýarlar úshin zııan keltiretin zattarmen júrgiziletin jumystar (ýly, radıoaktıvtik, kansoregendik jáne mýtagendik áseri bar zerttelmegen bıologııalyq belsendi qosylystar, adam jáne janýarlar úshin patogendi nemese shartty patogendi zattar, mıkroaǵzalar, vırýstar, ishimdik, nıkotın); 2) respýblıkalyq jarystarda buryn usynylǵan jumystar jiberilmeıdi. 9. Zertteý jumystaryn rásimdeýge qoıylatyn talaptar: 1) jumys mátini kompıýterde basylyp mynadaı qurylymnan turýy tıis: tıtýl paraǵy; mazmuny; abstrakt (annotasııa) qazaq nemese orys tilderinde (zertteý jumysynyń qaı tilde daıyndalǵanyna baılanysty), jáne aǵylshyn tilinde jazylady; kirispe; zertteý bólimi; qorytyndy; paıdalanylǵan ádebıetter tizimi; 2) tıtýl paraǵynda mynalar kórsetiledi: jumys oryndalǵan uıymnyń tolyq ataýy, qalasy, mektebi; avtordyń (birikken avtordyń) tegi, aty, synyby; jumystyń ataýy; jumystyń daıyndalǵan baǵyty, seksııasy; jetekshiniń tegi, aty, ákesiniń aty; qalasy (jarystyń ótetin jeri), jyly; 3) abstrakt (annotasııa) (250 sózden artyq emes) qamtylǵan jumystyń qysqasha mazmunyn kórsetýi tıis: zertteýdiń maqsaty; gıpotezasy; kezeńderi, zertteýdiń reti; tájirıbeniń ádistemesi; zertteýdiń jańalyǵy jáne derbestik dárejesi; jumystyń nátıjesi jáne qorytyndysy; nátıjelerdi praktıkada qoldaný salalary; 4) kirispede (2 betten artyq emes) mynalar keltiriledi: tańdalǵan zertteý taqyrybynyń ózektiligi, osy jumystyń maqsaty (mindeti); qoıylǵan mindetterdi sheshý ádisi qysqasha kórsetiledi; 5) jumystyń zertteý bólimi (20 betten kem emes) jeke taraýlardan (paragraftardan) turady jáne mynalardy qamtıdy: osy jumysty júrgizýdiń qajettiligine kóz jetkizýge jáne onyń maqsatyn (mindetin) qurastyrýǵa múmkindik beretin tańdalǵan taqyryp boıynsha belgili nátıjelerge taldama sholý jasaý; qoıylǵan mindetterdi sheshý ádisterin sıpattaý; jumystyń nátıjeleri jáne olardy talqylaý; sýretti materıaldar (syzbalar, kesteler, fotosýretter jáne sýretter); 6) paıdalanylǵan ádebıetterge siltemeni tórtburyshty jaqshada kórsetý kerek. Mátinde kezdesetin siltemelerdiń shyǵýyna qaraı, nómirleý reti bolady; 7) qorytyndy (1 betten artyq emes) jumystyń negizgi nátıjeleri jáne olardyń negizinde jasalǵan qorytyndylaryn, jumystyń nátıjelerin ǵylymı jáne praktıkalyq maqsattarǵa paıdalaný jónindegi usynystardy qamtıdy; 8) paıdalanylǵan ádebıetter jumys sońynda jalpy tizimmen mynadaı tártipte beriledi: avtordyń tegi jáne qysqartylǵan aty-jóni; maqalanyń jáne jýrnaldyń aty (jýrnaldaǵy maqalalar úshin); jýrnaldyń, kitaptyń aty; basyp shyǵarylǵan orny jáne baspasy (kitaptar úshin); basylǵan jyly, shyǵý nómiri, beti; 9) árbir jumysta tańdalǵan taqyryptyń ózektiligi, avtordyń jumysqa sińirgen jeke eńbegi, jumystyń kemshilikteri jáne nátıjelerin ári qaraı paıdalaný jónindegi usynystary kórsetilgen jetekshiniń pikiri qosa berilýi kerek; 10) tórtinshi kezeńge (baıandamaǵa) 135h125 sharshy santımetr kólemdegi stendke ornalastyrý úshin demonstrasııalyq materıaldardy jasaý usynylady. 10. Stendti rásimdeýge qoıylatyn talaptar: stendtiń joǵarǵy jaǵyna kóldeneńinen abstraktyn, qatysýshynyń atyn, jasyn, mektebiniń, aýyl/qalasynyń, oblysynyń atyn ornalastyrý qajet; stend materıaldary jumystyń mazmunyn sıpattaıtyn nómirlengen kesteler, fotosýretter, sýretter, dıagrammalar engizilip, qorytyndylary kórsetilip, talǵammen resimdeledi; mazmundy daıyndaý kezinde negizgi nazardy joba avtorynyń alǵan nátıjelerin kórsetýge aýdarylady. 11. Ýákildik múshemen bekitilgen ǵylymı jetekshi jumys nátıjeleri dıplom jumystarynan, magıstrlik jáne kandıdattyq dıssertasııalardan, ǵylymı ujymdardyń esepterinen kóshirilmegen, alynǵan nátıjelerdiń naqtylyǵy men durystyǵyn qamtamasyz etedi. Oqýshy jańa bilim men óz betinshe zertteý qyzmetiniń daǵdylaryna ıe bolyp, óz qolynan keletin jumysty oryndaýy kerek. 2. Ǵylymı konkýrstardy uıymdastyrý jáne ótkizý tártibi 12. Zertteý jumystarynyń taqyryptary «Daryn» respýblıkalyq ǵylymı-praktıkalyq ortalyǵynda (budan ári – «Daryn» RǴPO) Intel ISEF – ke (Vashıngton, AQSh q.) tirkelingen jobalardy bekitý affılendirý úshin tıisti jyldaǵy 20 qyrkúıeginen keshikpeı tirkeledi. 13. Ǵylymı konkýrstar tórt kezeńde ótkiziledi: 1) birinshi kezeń - mektepishilik, aýdandyq orta bilim beretin oqý baǵdarlamalaryn iske asyratyn bilim berý uıymdarynda ótkiziledi; 2) ekinshi kezeń - oblystyq (Almaty jáne Astana qalalarynyń bilim berý uıymdarynyń konkýrstary, respýblıkalyq bilim berý uıymdary (budan ári - RBU) men «Nazarbaev Zııatkerlik mektepteri» derbes bilim berý uıymdary (budan ári - «NZM» DBBU), mártebesi jaǵynan oblystyq jarystarmen teńestiriledi). Osy kezeń eki týrda ótkiziledi: birinshi týr – jobany qorǵaý; ekinshi týr - osy Qaǵıdanyń qosymshasynda kórsetilgen jalpy bilim beretin pánder boıynsha ǵylymı jobalardyń respýblıkalyq konkýrstary ótetin pánder tizbesine sáıkes synybyna, oqytý tiline qaraı beıindik pándi tereńdetip oqytý baǵdarlamasy boıynsha testileý. Ádistemelik keńes qurastyrǵan testiler oryndaýǵa 2 astronomııalyq saǵat beriletin 60 suraqty (120 ball) qamtıdy. Qatysýshylar testileýdiń jalpy ball sanynan 50%-dan tómen emes upaı jınaýy tıis. Komandalyq jumystar úshin ótý baly jumystyń avtorlary jınaǵan baldardyń ortasha arıfmetıkalyq sany bolyp tabylady. 3) úshinshi kezeń – irikteý, qoǵamdyq-gýmanıtarlyq baǵyttaǵy jobany aldyn ala saraptaýdy oblystyq bilim berý uıymdary ótkizedi, jaratylystaný - matematıkalyq baǵyttaǵy jobany aldyn ala saraptaýdy «Daryn» RǴPO ótkizedi. 4) tórtinshi (qorytyndy) kezeń - respýblıkalyq - jobany qorǵaý. 14. Ǵylymı konkýrstardyń birinshi jáne ekinshi kezeńin ótkizý merzimi oblystardyń, Astana jáne Almaty qalalary bilim basqarmalary jetekshileriniń buıryqtarymen anyqtalady. Ǵylymı konkýrstardyń úshinshi, tórtinshi kezeńderi Mınıstrliktiń buıryǵymen belgilengen merzimde ótkiziledi. Ǵylymı konkýrstar osy Qaǵıdanyń qosymshasyna sáıkes jalpy bilim beretin pánder boıynsha respýblıkalyq ǵylymı jobalar konkýrstary ótkiziletin pánder tizbesi boıynsha ótkiziledi. 15. Ǵylymı jetekshiniń nemese oqýshylardyń ǵylymı qoǵamynyń usynýymen, ǵylymı konkýrstyń birinshi kezeńine 9-11 synyp oqýshylary qatysady. Zertteý jumystaryn eki oqýshydan kem emes oryndaıdy. 16. Ekinshi kezeńge birinshi kezeń júldegerleri qatysady, olar ǵylymı jetekshiniń pikirin jáne ilespe qujattardy (ótinim, mekteptiń esebi, zertteý jýrnaly) usynady. 17. Úshinshi kezeńin qorytyndylaý kezinde osy Qaǵıdanyń 5 tarmaǵyna sáıkes testileýde alǵan baldary men jobany qorǵaýda alǵan baldary qosylady. 18. Ǵylymı konkýrstardyń qorytyndy kezeńine qatysýǵa úmitkerler Ǵylymı konkýrstardyń úshinshi kezeńiniń qorytyndysy boıynsha neǵurlym kóp ball jınaǵan, oblystyq, Astana, Almaty qalalarynyń, RBU-nyń, «NZM» DBBU (ár baǵyt boıynsha eki jobadan kem emes) júldegerleri. 19. Tórtinshi kezeńge qatysýshylardyń tizimin QR Bilim jáne ǵylym vıse-mınıstrimen bekitiledi jáne bekitilgennen keıin úsh jumys kún ishinde oblystyq, Astana jáne Almaty qalalarynyń bilim basqarmalary men RBU, «NZM» DBBU-nyń nazaryna jetkiziledi. 20. Tórtinshi kezeń - zertteý jumysyn qorǵaý jáne osy Qaǵıdalardyń 8-tarmaǵynyń talaptaryna sáıkes rásimdelgen stend materıalyn usyný. Jumysty qorǵaý kezinde avtorǵa (birikken avtorlarǵa) baıandama úshin 10-15 mınýt beriledi. 3. Ǵylymı konkýrstardyń jeńimpazdaryn marapattaý 21. Ǵylymı konkýrstardyń oblystyq kezeńiniń jeńimpazdary I, II jáne III dárejeli dıplomdarymen marapattalady. 22. Respýblıkalyq kezeń jeńimpazdarynyń sany ár baǵyt jáne ár joba boıynsha Ǵylymı konkýrstardyń respýblıkalyq kezeńine qatysýshylardyń jalpy sanynyń 45 paıyzyn quraıdy. Ǵylymı konkýrstardyń respýblıkalyq kezeńiniń jeńimpazdary I, II jáne III dárejeli dıplomdarmen marapattalady. I, II jáne III dárejeli dıplomdar sany mynadaı úılesimdikpen anyqtalady: III dárejeli dıplomdarmen jeńimpazdardyń 50%-y, II dárejeli dıplomdarmen 30%-y, I dárejeli dıplomdarmen 20%-y marapattalady. 23. Eger birneshe qatysýshy júldeli oryndardy anyqtaý úshin qajetti tómen deńgeıge sáıkes birdeı ball sanyn jınaǵan jaǵdaıda, Respýblıkalyq kezeńniń jeńimpazdarynyń sany qazylar alqasynyń sheshimimen kóbeıedi. Jalpy bilim beretin pánder boıynsha respýblıkalyq ǵylymı joba konkýrstaryn uıymdastyrý jáne ótkizý qaǵıdasyna qosymsha Jalpy bilim beretin pánder boıynsha respýblıkalyq ǵylymı jobalar konkýrstary ótkiziletin pánder tizimi Baǵyttar Páni 1. Fızıka Fızıka 2. Tehnıka Fızıka 3. Jer jáne ǵarysh týraly ǵylymdar Fızıka 4. Matematıka Matematıka 5. Qoldanbaly matematıka Matematıka 6. Informatıka Matematıka, Informatıka 7. Ekonomıka Matematıka, Geografııa 8. Bıologııa Bıologııa 9. Hımııa Hımııa 10. Qorshaǵan ortany qorǵaý jáne adam densaýlyǵyn saqtaý Bıologııa 11. Tarıh Dúnıejúzi tarıhy jáne Qazaqstan tarıhy 12. Adam jáne qoǵam Dúnıejúzi tarıhy, Adam. Qoǵam Quqyq. 13. О́lketaný Geografııa jáne Qazaqstan tarıhy 14. Ádebıet Qazaq ádebıeti jáne orys ádebıeti 15. Etnomádenıettaný Dúnıejúzi tarıhy jáne Qazaqstan tarıhy, Qazaq ádebıeti jáne orys ádebıeti 16. Til bilimi Qazaq tili, orys tili, aǵylshyn, nemis jáne fransýz tilderi Buıryq Qazaqstan Respýblıkasynyń Ádilet mınıstrliginde 2014 jylǵy 10 qyrkúıektegi Normatıvtik quqyqtyq kesimderdi memlekettik tirkeýdiń tizilimine № 9726 bolyp engizildi.